- Dettagli
- Scritto da Maria Antonietta Bruno
- Categoria: Fatti e Filastrocche
- Pubblicato: 25 Giugno 2026
- Visite: 142
La villeggiatura
E cu lu caddu rrivava puru la staggione te la villeggiatura.
E cu lu caddu rrivava puru la staggione te la villeggiatura.
-Meh, quandu ne ritiramu a fore? - ne ticìa lu Roccu a fratusa lu Peppinu, ca abbitava alla casa te campagna ca lu sire, rretu a morte sua, n'hìa spartutu a tutti toi li frati cu se fazzane la villeggiatura. Lu Roccu zziccava a scurciare già te lu mese te maggiu, ma lu Peppinu, ca nu tenìa ' ntrame cu se ritira a fore, truvava sempre scuse cu se trattegna n'addhru picca allu paese. Rrivau lu giurnu ca se 'nda scira a fore. Facìa già mutu caddu e la sera se cutìa settati ddhra ffore allu friscu, dopu ca s'hìane ssuppatu na friseddhra, ccunzata cu li pummitori frischi te l'ortu. Poi , dopu ca hìane sbariatu nu picca cuntandu to chiacchiere, scìane cu se corcane, ca la matina lu caddhru se facìa sentire ca nu n'hìa mancu llucisciutu. Na sera, s'hìane appena curcati ca se 'ntise nu rumore stranu susu llu viale. Lu Roccu ne tuzzau te pressa a fratusa.
-Peppinu, ha 'ntisu lu rumore sullo viale? Quarchetuno stasera hole cu ne fazza fessi ! Mena, vestìte e ssimu fucendu cu bbitimu cce sta succete. Sta piju la dietrocarica e sciamu fucendu a rretu alla suppinna. Mmanisciate, ca jo su già prontu!-
Passara 5/10 minuti e lu Peppinu nu se facìa vitire e nu ddìa mancu voce.
-Peppinu, te sbrichi? Cce sta faci? Camina!-
-Moi, tamme tiempu , sta begnu! - disse lu Peppinu.
-
Furmine ! Sbricate ca mo se portane tuttu te intru lla suppinna! Ma ccè sta faci?- disse lu Michelinu.
-Sta me fazzu lu nnutu alla cravatta...te nu m'ha tittu cu me vestu?
-
Te vicìa Ddiu, te , la cravatta e lu nnutu !