E dopu cinque anni te Africa turnau a casa,ne` felice e ne ` cuntentu. È bberu ca sia 'nduttu nu picca te sordi,ma le cose nu iane bbutu scire cusì. Pensava ,maru maru,all'avvenire sua, ca tuttu te paru ia cangiatu. Rimania,comunque, sempre l'esteru. Te l'Africa sta turnava, anzi te la Somalia. Era partutu volontario, sottufficiale te l'esercitu . Mandatu a Mogadisciu, addhrunca facia lu ratiutelegrafista, lu congedara,iddhru e tuttu la battaglione, in fretta e furia, prima cu scata lu mandatu. Lu Statu l'hia pijati pe fessa tutti ... appena sti surdati nu nne servira cchiui ,li mandau tutti a casa ... era lu 1956 . RRivatu allu paese,topu tanti anni ca mmancava, pensau ca era giustu se fazza nu regalu e allora se ccattau na bella Lambretta . Sia cce sia ccattatu, comu la tenia ddhra la Lambretta ,se la llucitava e cu nu ne pija polvere, se la 'mboggiacava cu na manta intra llu macazzinu. Li frati sua erane cchiu cuntenti te iddhru, specialmente lu frate picciccu.

"La Lambretta nu se tocca, iti capitu? Su guai pe bbui se viciu ca la pijati. "

" Mancu nu giru a qqua nnanti ne putimu fare ?"

" Nno,specialmente te ,Benitu! Statte ttentu ca le ccoji se la piji. Ha capitu?"

" Dai,Mimino, nu fare cusì. Nu giru sulu e la tornu. Vau e bbegnu te la Furesta, ca naggiu purtare la spesa alla mamma."

"Benitu,nu zzicare sai ! Nu fare cu tiru lu calendariu. Jo sta bbau a na parte cu lu Eliu . Tornu stasera ...me raccumandu!"

"Va bbene...sine ,nu la toccu ."

Lu Miminu sciu te nanzi e lu Benitu, te retu,pijau la Lambretta e sciu cu trova toi amici sua : lu Pietru, ca era 5 - 6 anni cchiu grande te iddhru e lu Toto `.

"Benitu, fratuta lu sape ca hai pijatu la Lambretta?"

" None,nu ssape nienti... Sciamu a mmare ?"

" Sciamu !"

A tre sulla Lambretta, pijara la via te mare. Passata la stazzione ferroviaria, sulla via te Sannicola, pijara na bbotta e cutrumbulara tutti e tre a 'nterra, compresa la Lambretta. E moh !!! Ahi ,ahiai, ahiai ... se zzara te 'nterra tutti scurciati, ma interi ... ma la Lambretta sia rruvinata bbona . E mo cce iane fare? Lu Benitu era bbiancu comu la cazzafitta, nu pensava alle scorciature, ma a comu ia ffare cu ne lu tica a fratusa lu Miminu.

" Quiddhru, sta fiata me ccite!" pensava ... in tutti i modi, ttuccava cu nne lu tica e comu scia scia. Lu Pietru, ca era lu cchiu grande, faticava già e tenia lu core squajatu ,tisse : Benitu, nu te preoccupare, tinne allu Miminu, ca li tanni li pacu me !"

Mah,già era naddhra cosa! Turnatu alla casa te fore, lu Benitu, se fice curaggiu e ne lu tisse a fratusa ,ca stia già addhrai e ia visto lu tannu. Lu truvau prontu ca ulia cu lu 'ncofana te mazzate. Lestu, lestu scappau e se rrampicau susu all'arbulu te fracazzanu e de ddhrai se menau sulla lammia te la casa Mesciu Marinu ,ca stia te fronte alla loru.

" Scindi tiscrazzitu, scindi qqua ssotta ... cce te tissi jo,cu nu tocchi la Lambretta e te invece me l'hai distrutta . Te spettu qquai , tantu hai scindire prima o poi ".

"Miminu, scusame, nu lu fazzu cchiui ... e poi ,lu Pietru ha tittu ca li tanni li paca iddhru ".

Meh, cusì, lu Miminu se calmau nu picca ,ma ,alla riscurdata,to scoddhraruni ne li 'ncuddhrau lo stesso a fratusa. La Lambretta la ggiustara, ma dopo qualche mese,lu Miminu se la vindiu e partiu alla Svizzera e nu turnau mai cchiui a Ddaraddeu, se no pe quarche giurnu te ferie ogni tantu.

"

A mio padre e a mio zio