Anime te lu Purgatoriu o... fuochi fatui ?
Cchiui te na fiata, quandu passu te nanzi allu cimitero te Sichili,ca se trova te coste alla chiesa te Sant'Antoni,me ricordo lu fattu ca me cuntava lu nonnu Nzinu mia quandu me era piccicca e ca me facia tanta impressione, ma ,puru iddhru,mentru me lu cuntava paria schiantatu. Nonnuma
Nzinu, quandu era giovanotto,facia lu trainieri pe l'Agustinu Micculi, e paru cu lu Tunatucciu e l' Albanucciu, sciane e beniane te l' Avetrana cu trasportare oiu e vinu. Iddhru era ertu, mutu ertu e forte comu nu leone,ma ccerte cose lu ' mpressionavane mutu. Te notte caricavane lu trainu e partiane, cu iddhri n'era sempre nu caniceddhru te razza " Vaglio`",ca bbajava e mozzacava peciu te nu pastore tedescu. Quandu però, rrivavane a nnanzi allu cimiteru te Sichili`zziccavane li tuluri te Maria , perce` succetia ca addhr 'ora le anime sciane a passeggiu... comu a passeggiu ticiti ui ? ... tutto te paru se vitiane, sospese a nu metru te n' terra, linguiceddhre te focu e, sia ca era state o ca era jernu, allu Nzinu ne veniane le sutareddhre e supplicava Sant'Antoni cu fazza cu tornane l'anime allu postu loru e ,cu li fazza caminare tranquilli, ca già la via te l'Avetrana era pericolosa e ttuccava se raccumandane l'anima cu nu truvavane mmalecarni. Stu fattu te l'anime sottu forma te fiammelle me 'mpressionava puru me,ma nu me convincia mutu, na spiegazione n'cia dd'essere. Me fici cchiu grande e quandu zziccai a scire alla scola media ,nu giurnu, lu prof. Napoli, ca me 'nsegnava matematica e scienze, me spiecau ca l'azoto ca sprigionavane li corpi in decomposizione, precati a n'terra , a contatto cu l'aria su ddumava e se vitiane ste fiammelle sospese all'aria ca faciane tanta paura alli cristiani. Quando turnai a casa e ne lu tissi allo nonnu mia,rimase sbalorditu e me rispose : Ihh ... nu l 'hia potuto sapire prima, ca mia ffrancatu tantu sangu acitu e sutore, quandu te notte ia passare te nanzi allu cimiteru... cce gghe bruttu quandu le cose nu le sai ... l'ignoranza te pija pe fessa quandu e comu ole !!!
A mio nonno,con immenso affetto !
 
Foto tratta dal web
Ingresso del cimitero di Seclì.
Chiesa di Santa Maria degli Angeli,più conosciuta come chiesa di Sant' Antonio a Seclì.

Joomla templates by a4joomla