Lu veglione suspiratu

Rrivava Carnevale e cu Carnevale rrivavane festini e veglioni...e ccè veglioni se facìane allu Cinema Teatro Verdi de lu paese mia ...ma, nu sulamente addhrai, se 'nfittavane puru locali crandi, comu quiddhri te lu Giassu o te lu D'Amicis ,e se ' nducìane li meju cantanti te lu mumentu. Cusì, a Ddaraddeu, vinne cu canta : Iva Zanicchi,Marcella, Fiammetta,Il Giardino dei Semplici e tanti addhri. Me, era vagnuneddhra, e a casa mia, sirama nu era purtatu pe li balli e pe le feste, allu contrariu te matrima, ca prima cu se sposa , cu la famiglia sua, nu se perdìa na festa. Comunque, allu 1975, nu gruppu te carusi, organizzara nu veglione allu Cinema Verdi, cu li " Cugini di Campagna ", nu complessu famosissimu a ddhri tiempi. Me, ddhr'annu, hìa zzicatu lu IV ginnasiu a Galatina e me sentìa crande, e allora ne tissi a matrima se sciame allu veglione. Sinceramente, puru iddhra ulìa cu vvascia, e allora cu la scusa mia, ne lu tisse a sirama, ca a malincuore e dopu tante insistenze, tisse sì . Beh, nu bbè ticu la cuntentezza mia, finalmente se scia a na festa te carnevale. Dopu na sciurnata te crande fatica ( matrima era parrucchiera), rrivau lu mumentu cu ne preparamu pe lu veglione. La mamma,m'hìa appena fattu fare te la magliaia, nu vestitu te lana russu, tuttu ricamatu a fiuri blu alla vita ca scindìa a telini... quantu era bellu !!! Me ccattai nu paru te cazzetti blu,a colore te lu ricamu, te filanca doppia, ma le scarpe erane basse, pe lu taccu era ancora vagnone. Me ricordo ca sta me vestìa intru allu bagnu paru cu matrima , e la porta stia nu picca scarassata...patrìma trasiu all'improvvisu, mentre sta me 'nfilava la veste. A na utata d'occhiu, se ccorse ca tenìa li cazzetti "fini"( ticìa iddhru) e ne tisse a matrima: - Scusa, la vagnone addhru sta bbae cu ddhri cazzetti?

- E addhrù ha scire ? Allu veglione, no?

- Nu n'ete età te cazzetti fini, fanne cu se menta li calzettoni!

- Comu li calzettoni ? Ma ccè sta dici? Ma l'hai vista ? Cazzetti te filanca doppi suntu, vae bbona!

- E allora nu se vae a nuddhra parte!

'-Li calzettoni nu me li mentu- risposi meve

- Me scornu, nu ssuntu cchiui na piccinna, tegnu 14 anni...preferiscu cu rimagnu a casa !

- E a casa rimanimu! Puntu!- disse sirama

E a casa rimasime, parate comu la zzita te Turre...Nu n'ci foe versu,me cu cangiu idea, e iddhru cu ne porta.

Quello fu uno dei veglione più belli nella storia di Aradeo...a me rimane un ricordo agrodolce, che mi strappa un sorriso e suscita un rimpianto!

La foto ritrae i miei nonni al veglione del 1953 al Cinema Verdi.