Na bbotta a bbuttuni

Lu Pippi e l'Eliseu erane to piccinni te 9 anni. Erane amici e cucini , fiji te frate e soru . Sciane alla stessa scola, tenìane lu stessu cognome, sciucavane sempre te paru e de susu cchiui, erane puru vicini te casa, percè abbitavane quasi te fronte. Nnanti a casa loru, abbitava puru donna Chiarina, ca era la mescia te scola loru. Era bbrava, ma mutu severa, comu li maestri te na fiata, e ggh 'era puru na menza parente . Le famije se rispettavane, ma iddhra ci hia casticare li vagnuni lu facìa lo stessu, senza penzare, percè cusì se tia l' etucazzione. Lu Pippi e l' Eliseu la timiane nu picca, ma le cumbinavane lo stessu. Quasi ogni giurnu, la vespara, topu lì compiti, se mintiane cu sciocane a bbuttuni, e donna Chiarina lì spiava te la fanescia...erane vagnuni e hìane sciucare, basta però ca se facìane li compiti, senò erane tulori. Li to vagnuni però, sìane ' ncarnati cu lu sciocu te li bbuttuni. E na matina, prima cu trasane alla scola, sìane misi a n 'angulu cu sciocane. Tra na bbotta e l'addhra sia fattu tardu e mescia Chiarina ca l'hia visti ca sta sciucavane, li mandau a chiamare. Iddhri se schiantara, se raccozzera te pressa li bbuttuni te 'nterra e se li scundira sotta alla coppula. Cercara permessu e trasìra intra lla scola, ma quandu scira cu salutane la maestra, se cacciara la coppula e li bbuttuni catira tutti a ' nterra e se sparpajara. Beh, donna Chiarina nu sapìa se hìa rritire o n'hìa ddare to corpi te riga sulle mane...poi pensau ca forzi era meju cu sse llava le mane, e ne lu tisse alle mamme loru. Quandu turnara a casa, li scotulara bbelli bbelli te mazzate e ne requisira tutti li bbuttuni.

- Ccè su bbeddhri tutti toi...se fàciane ste cose? Perciò a casa nu se trova cchiui nu bbuttone! Nah, cu ne scorna la maestra! Pensati cu ' mparati meju! Se la faciti n 'addhra fiata, partiti allu colleggiu e nu turnati cchiui a casa!

Dopu li chianti e le promesse, passau quarche giurnu e lu Pippi e l'Eliseu zzicara ' ntorna a sciucare a bbuttuni...se l'hiane già scotulate !

Qualche giorno fa, mia cugina mi ha rammentato questo episodio ,che mio nonno ci raccontava sempre , ridendoci sopra , ed io ho voluto scriverlo. È un racconto ambientato nel 1909...ha i suoi annetti!

In ricordo del mio amatissimo nonno Pippi