Natale te na fiata ... te lu presepiu all'arbulu 
Sta rriva Natale e la capu me se inche te pensieri...prima te tutto aggiu fare lu presepiu e poi l'arbulu, poi le Carteddhrate, li purceddhruzzi, li scagnozzi e ... lu troncu te pasta te mendula nu ' mboi cu lu faci? Ahi, sorta mia, me vene l' anzia sulu cu penzu...mamma mia quante cose aggiu fare...e penzu ca quasi quasi nu fazzu propiu nienti...ma na voce intru te me me tice : ma si propiu scema, cristiana mia ... te piaciane le tratizzioni, hoi cu le rispetti tutte e poi faci tantu la ' ncrisciusa ? Ma quandu mai teve , t'hai tiratu rretu cu faci ste cose?
E poi , me ricordu ca quandu era piccicca, stampava li pieti n 'terra cu lu nonnu mia ca iddhru nu ia mintire manu allu presepiu se nu nu c'era me presente. Poveru nonnu, lu crepava se nu facia comu ticia meve.
- Tetta - ne ticia alla nonna - pe l'arma te li morti, fanne cu bascia cu scioca...te stu passu nu spicciu cchiui ne` lu presepiu e ne`l'arbulu.
- Mena, te si ' mparatu cu te lamenti sempre...sia cce fastitiu sta te tae ddhra vagnone!...nu la sai comu ete, ca ne piace cu fazza ste cose ...nu la schiovi te qua nnanzi !
Lu nonnu ia cattatu n'arbulu te Natale ca era ertu quantu iddhru ( ca era cchiui te nu metru e 90) cu tante palline te vitru colorate e brillantate, te tante forme diverse : pigne, campane, cuori, babbu natale , e puru na colomba bianca tutta china te brillantini argentati, ca me piacia tantu. E poi le luci ca faciane dduma e stuta, a forma te grappoli te uva e te campanelle . 'Nzomma?, ddhr' arbulu ccunzatu era nu spettaculu ( armenu,così lu vitia meve). Lu presepiu, poi, se pijava menzu salottu, sì, percè puru quiddhru l'hia fare a misura sua ... e la nonna se stizzava e ticia : iddhru ete cchiu picciccu te nipotasa e n' ci cote cchiui te la vagnone...ne piace cchiui a iddhru cu ccatta tutte ddhre fessarie...nu cangiau mai, have te quandu nimu 'nzurati ca ogni annu zzicca cu stu presepiu e poi moi , puru cu l'arbulu. Me inche la casa te taule, cippuni,caccia a monte puru la pompa te lu fritti cu colora la carta te lu pane , scatule , muschiu,erba ...pupi poi, nu ne parlamu ...e pe finire , pigni, portacalli e nuci .
N'ci ulia qualche giurnu cu lu spicciamu,poi, quandu a me nu me piacia comu hia sistematu qualche cosa, me lamentava finché nu la cangiava comu ticia me. Iddhru era caputostu e all'inizziu nu me la tia vinta, ma alla fine , cu nu me senta , se rrendia.
Poveru nonnu mia ... crazzie pe tuttu quiddhru ca hai fattu pe me e pe tutte le cose ca m'hai ' mparatu, ma soprattuttu, pe lu bene ca m'hai ulutu!!!
Ai mie i nonni con affetto infinito !

Joomla templates by a4joomla