Cari,cari tutti...

Ogni annu ne truvamu sempre a quai. Eh , ma ui nu sapiti cce sta passu!...e si,percè rrivau 'ntorna lu giurnu ca me ppenditi. Lu bellu ete ca iddhru se tiverte...sta cuntu te ddhru Carnialone te marituma,ca tantu ca se tiverte,tra balli,canti e mangiate,alla fine more  schiattatu... Eh già...e poi me, l'aggiu chiangire e pe quaranta giurni puru e de susu cchiu,me ppenditi cu me vitane tutti : te sciaroccu a tramuntana, te levante a punente. Me faciti brutta comu la morte,sicca comu lu peccatu, ca tutti, crandi e piccicchi, timane cu me quardane,e 'ncora peciu,haggiu puru filare la lana 'mpisa a  qua susu, tantu cu nu perdu l'abitudine e cu bbe ricordu ca lu filu te la vita se pote spezzare quandu menu te l'aspetti. 40 giurni, 40 giurni te focu, a sole e serenu, cu lu jentu ca me sbatte te na parte all'addhra, cu l'acqua ca me 'mpissunchia le vesti, vabbè ca alla fine hai voglia cu me scarfu ! Sette settimane , sette settimane te sacrificiu pe me...ma sia,basta ca puru ui bbè ricurdati percè stau qua susu.

Certu ca na fiata,bbè ricurdavive nu picca te cchiui cu facivive sacrifici te stu periutu...è bberu puru, ca era cchiu semplice...tantu nu nc'era nienti te mangiare e mancu divertimenti, moi cangiau tutto...Puru la Resurrezzione te nostru Signore, ca catia te sabbatu a mmenzatia, sparandu nu sulu lu pannu,ma puru li trunetti e quarche corpu te dietrocarica e sbattendu li cuperchi.Tutti erane felici e cuntenti,pronti cu l'ovu a manu,se preciavane ca nu bbitiane l'ora cu se lu menane a 'mbucca, dopu tante privazioni.

Sulu a me,me spettava nu triste destinu e quiddhru nun è cangiatu mancu moi, sempre a ddhrai me ttocca. Lu focu sta me spetta e me, in fondu in fondu su cuntenta cu me sacrificu pe bbui e oju cu be lassu lu sole te la primavera e l' auguriu cu be vacia sempre tutto bbonu,soprattuttu la salute ca ete la cosa cchiù 'mportante te tutte sulla facce te la terra. Beh ! Beddhri mia,ve salutu tutti,ne vitimu a quai stesso tra 40 giurni...Vititi ca be spettu tutti !

E mò tocca proprio me 'mmanisciu,ca sta spettane cu me sistemane allu postu mia.

Stative bboni!

B.M.A.

La Curemma di Arataion appesa alla porta urbica . Aradeo ,2019

La Curemma con i simboli della quaresima : il fuso e un'arancia amara in cui sono state conficcate 7 penne di gallina.

 

La Curemma viene bruciata.